As Xornadas no Río da Fraga están deseñadas coa intención de ofrecerlle os nosos hóspedes e a grupos de excursionistas a posibilidade de achegarse un pouco máis tanto á cultura popular galega como ó noso entorno natural dun modo lúdico aínda que non por iso falto de rigor.

O "Río da Fraga" atravesa o Concello de Moaña de norte a sur, dende o seu nacemento no monte Gagán ata a súa desembocadura na praia da Xunqueira. Historicamente, este río resultou de vital importancia para o desenvolvemento social, económico e cultural dos habitantes da zona: ben proporcionando a auga necesaria para os labores domésticos, ben regando os campos de cultivo situados nas súas marxes, ou ben dando impulso á maquinaria dos numerosos muíños construídos ó longo do seu percorrido. Recentemente procedeuse á recuperación dalgúns destes muíños, en ocasións testemuñas, en ocasións protagonistas, dun modo de vida, o dos nosos antepasados, que a punto estivo de caer no esquecemento. Todo un patrimonio que nos ofrece á posibilidade de achegarnos á experiencia cotiá daquelas xentes que forxaron as nosas tradicións para comprendelas e comprendérmonos un pouco mellor.

• O TRABALLO DE LABRANZA: visita a unha finca onde observaremos o labrado dos campos a través do sistema de tiro de bois.
• A MOENDA: visita a un muíño de auga onde o muiñeiro nos amosará o seu funcionamento.
• FOLCLORE: narración de lendas populares que testemuñan a vida en torno ó muíño. Mostra dos cantos e das músicas tradicionais baseados na moenda.
• XOGOS DE RASTREO.
• OBRADOIRO: construcción e colocación dun niño para paxaros.
• NATUREZA: plantación de árbores de especies autóctonas.
• EXPOSICIÓN ETNOGRÁFICA: visita a un quinteiro.
• PROXECCIÓN AUDIOVISUAL da ruta realizada.
• XOGOS TRADICIONAIS.

PICADEIRO "A LAGOA"

Outra das actividades que podemos desenrolar en A'Fraga Rural é a equitación, descubrir tódalas sorpresas agochadas nas sendas dos nosos montes en relaxantes paseos ás costas dun cabalo.